موضوع: غريبه الناس غريبه الدنيا ديه!!!!! الجمعة 11 ديسمبر - 19:50
غريبه الناس غريبه الدنيا ديه اعز الناس بيتغير علي
دي مطلع اغنيه صح ممكن تكون سمعتها وممكن ولا مره سمعت عنها بس سمعت مطلعها اكتر من مره ومش عارف ليه النهارده علقت بذهني والأهم الجمله دي خلتني اغوص فيها بعمق.
غريبه الناس غريبه الدنيا ديه اعز الناس بيتغير علي.....
هيكون في سؤال ليه؟
معايا مجموعة رسائل كتبتها اقلام سطرت حروف تملكها الحس وتملكتها الحنيه وتغنى لها العشق والتزمت الخشوع وذرفت الدموع؟ .
اقرأو الرسائل دي وشوفو . . . . .
اول رساله كتبتها ام بدموعها
بتنادي ابنها سهرت الليالي علشان راحته ... كانت تبكي لما يبكي وهي مش عارفه ماله ... قد ايه اتخانقت مع باباه لو قسي عليه .... كانت تبصله من الشباك وهو رايح المدرسه وقلبها بيدعيله وعيونها بتتغنى فيه هي دي الأم بتقول لأبنها النهارده يااااا قد ايه هنت عليك علشان ترميني في بيت اكون فيه غريبه .. وحشت عيوني.. وحشت حضني يا طنايا مش هزعل علشان رميتني في بيت المسنين بس زعلانه على قلبي لأنه مش عارف يطمن عليك يا ترى يا ابني انت عامل ايه انت مبسوط بحياتك وبشغلك
غريبة الناس غريبة الدنيا ديه اعز الناس بيتغير عليه
الرساله التانيه صديق اترمى برصاص الصداقه :
صديقي العزيز فاكر لما كنت تقلي الصداقه صدق وانا صدقتك عملت فيك ايه علشان تبيع صداقتنا ياما احتجتني ولقيتني جمبك ولما احتجتلك بترفسني انتي صديق لالا انت اتغيرت .
غريبة الناس غريبة الدنيا ديه اعز الناس بيتغير عليه
الرساله الثالثه من قلب تغنى للحب لكنه فضل اسير للحب
حبيبي او يلي بيوم كنت حبيبي حبيتك وقدمت ليك قلبي على طبق من ماس كنت الدنيا لي معقوله تغيرك الدنيا رضيت بالبعد معقول تنسى كل احساس عشناه مع بعض اتغيرت كتير وغيرتك الأيام قلت مش هتغيرك لكنك سبقت الأيام وقسيت اكتر من الزمان يا خساره انت حبيبي اللى حبيته ولا انت مين؟
غريبة الناس غريبة الدنيا ديه اعز الناس بيتغير عليه
الرساله الرابعه خطتها دموع يتيم
طفل اتحرم من كلمة بابا وماما.. كان نفسه يفرح بالعيد زيه زي غيره.. كل لما ينام بيحضن المخده وبيغرقها دموع وهو بيكلمها وبيقلها يا هل ترى اللي عنده اب وام بيحس ازاي وازاي بيحسو اما بيقولو بابا وماما وبيسالها كل يوم سؤال يا هل ترى انا لما اكبر وابقى اب هقدر اعوض ابني عن حرماني اخاف ان الدنيا مش توفر ليه حاجه لان كل حاجه اتغيرت
غريبة الناس غريبة الدنيا ديه اعز الناس بيتغير عليه
الرساله الخامسه رساله مهمه ومؤثره كانت من اماكن رحلنا عنها وبكل الشوق والأسى تنادينا
بيوت الله بيوت هجرتها الناس انشغلت بحاجات تانيه في ناس عندها سهره الليله دي ... الشله رايحه فسحه ... معندهاش وقت للصلاه معندهاش وقت للعباده. حجار المساجد بتناديها : يا ابني اتفضل هتطلع راضي ومرتاح رفوف بيت اتزينت بمصحف مهجور بتبكي بتنادي صحاب البيت ليه بتعملو كده الهجر قاسي. ليه اتغيرتم هي الفضائيات والتكنولوجيا سرقتكم من العباده ولا ايه
غريبة الناس غريبة الدنيا ديه اعز الناس بيتغير عليه بكل مكان فيه ناس هنلاقي انها اتغيرت لأن الناس قلوبها اتغيرت ونوايها اتغيرت ورمت كل حاجه وطنشت..
غريبة الناس غريبة الدنيا ديه اعز الناس بيتغير عليه
الموضوع منقول بس عايز كل واحد يقرأ الموضوع يقولى هو كمان موقف يدل ان فعلا كل حاجة غريبة لو شايف ان الكلام اللى فات دة صح طبعا [ندعوك للتسجيل في المنتدى أو التعريف بنفسك لمعاينة هذه الصورة]
موضوع: رد: غريبه الناس غريبه الدنيا ديه!!!!! الجمعة 11 ديسمبر - 21:15
ثانكس يا محمود
موضوع: رد: غريبه الناس غريبه الدنيا ديه!!!!! السبت 12 ديسمبر - 18:05
عند الفراق .. إجعل لعينيك الكلام فسيقرأ من احبك سوادها .. وإجعل وداعك لوحة من المشاعر يستميت الفنانون لرسمها ولايستطيعون ... فهذا أخر ما سيسجله الزمن في رصيدكما
نايس توبيك
موضوع: رد: غريبه الناس غريبه الدنيا ديه!!!!! الثلاثاء 15 ديسمبر - 12:40
عند الفراق .. إجعل لعينيك الكلام فسيقرأ من احبك سوادها .. وإجعل وداعك لوحة من المشاعر يستميت الفنانون لرسمها ولايستطيعون ... فهذا أخر ما سيسجله الزمن في رصيدكما
شكرا حوده جدا
موضوع: رد: غريبه الناس غريبه الدنيا ديه!!!!! الجمعة 18 ديسمبر - 18:51
منورين يا جماعة كلكم يا رب يكون عجبكم التوبيك
موضوع: رد: غريبه الناس غريبه الدنيا ديه!!!!! الخميس 24 ديسمبر - 14:02
موضوع: غريبه الناس غريبه الدنيا ديه!!!!! 
الجمعة 11 ديسمبر - 19:50
