قصيدة نسيت جراح - بالاشتراك مع ميدو

30/09/2009

]بعد السلام والتحيه يسعدنى ان نقدم لكم انا وميدو قصيدتنا الجديده نسيت جراح سورى احنا مخلصينها من زمان بس حصلت ظروف كده خلتنا ناخر تنزيلها على المنتدى

وانا وميدو بنهدى القصيده لاى حد مجروح من حبيبه وخلاص قلبه نسى حبه القديم بلاعوده

وحبيبه بيحاول يرجعله

وتعتبر القصيده من القصائد الطويله حوالى 50 سطر انا سطر وميدو سطر

اسيبكم مع القصيده ويارب تعجبكم

سامحتك كتير وخدعتنى...........وفحبى ليك ضيعتنى
سامحتك ياعمري و انت اللي بأيدك جرحتني .. سامحتك و انت اللي في ثانية بعت قلبي و ضيعتني
خنتينى والشوق مالينى خنتينى وانا مش مصدق عينى.............كنتى ملاك عينى وبقيتى فى نار حنينى
خنتيني و دموعي رجعلتلي تاني لما فكرتي تجيني .. خنتيني و جرحتيني جرح هعيش جوايا عمري و سنيني
شوفتك بعنيا مع اعز صاحب ليا..........كنتى بتكلميه بحنيه بعد ما عودتينى على الاسيه
شوفت ضحكتك و قلت يا قلبي مش ليا .. شوفت عينيكي و قلت يا ريتها ما جت في عينيا
بعدتى عنى سنين وسبتى قلبى حزين............دلوقتى جاى مسكين مشتاق لنظره عين
كنت بقول ده اللي بيني و بينه حب سنين .. دلوقتي هبعد عن جرحي و اهرب معرفش علي فين
دلوقتى راجع ليه بعد ماقلبى من حبك انكوا.............خلاص معتش ليك مكان بين اهل الهوا
خلاص جراحي لقت في قلبي مكان .. خلاص احزاني لقيت في عيني دموع و كانت لخيانتك هيا الدوا
حبيتك وجرحتنى وبايدك ضيعتنى دلوقتى جاى بتعتذر عن الماضى اللى فات ..........الماضى اللى عشته معاك باسم الذكريات
حبيتك و قلت علي حبك انه اخر الطريق .. حبيتك و قلت هعيشلك و من بعدك مش هبدأ من جديد
مش هسمعك من بعد قلبى ماودعك.........هتقول كلام وتعيد كلام عمر الكلام مايرجعك
هسمع ايه غير اسف و ندم و كدب فاكر انه هيرجعك .. هسمع ليه و انا دموعي مش بتوجعك
انا قلبى سالنى عليك وعيونى عليك بتدمع.........لا ياقلبى ده اللى خانك ومن هواك اتمنع
انا قلبي عاشلك ايام في نفسي بتوجع .. ايام هعيش عشان اسبتلك انها من تاني مش هترجع
دلوقتى جاى بتعتذر وبتفتكر ايام الماضى اللى فات ..........طب كنت فين لما كنت ببكى بالساعات
جاي و فاكر اني ممكن انسي بعد جراحك الذكريات .. لا انا هنسي ولا هنسكي ان في يوم قلبي مات
سبتنى وحيد وسط النار وحدى وسط التيار...........لاقيت مفيش قرار فى حبى ليك الا الفرار
سبتني وحيد و علمتني ازاي افرق بين القلوب و اختار .. سبتني اعيش سنين و سنين و قلبي وسط النار
حبيتك بقلبى وسكنتك خيالى وامنتك على راحه بالى..........قلبك خدعنى وحضنك منعنى ولا شيىء بقالى
حبيتك و حاي اقولك اني هسيبك .. حبيتك و جاي اقولك ان ايامي عمرها ما هترجعني لك
مش هسمعك من بعد قلبى ماودعك............هتقول كلام وتعيد كلام عمر الكلام مايرجعك
هسمع ايه ده انت جرحك ليا يصعب عليا الكلام .. هسمع ايه دا انت صوتك صدا في بالي لما بنام
خلاص كل شيىء انتهى كانت غلطه وقولتها...........غلطه سنين عملتها واعيش حزين واقولها
غلطه هعيش عليها ندمان مهما جرحي انطفا .. غلطه عايش احلم بنسيانها ليله و احلم في يوم بالدفا
خلصت فيك دموعى والحب انهدر...........وارجوك تنسى رجوعى مخلاص كل شيىء انكسر
خلصت دموعي و علي بابك كانت سحاب و مطر .. انسي وعودي انسي اني هعيش مؤمن بالقدر
جرحتنى فى يوم جرح هيفضل معلم..........جرح لو دار الزمان هيصرخ ويتالم
جرحتي جرح خلي قلبي ساكت مش بيتكلم .. جرحتني و عمر ما الايام هتنسيني قلبي اللي ليك سلم
دلوقتى جاى تترجانى وعايز ترجعنا تانى لحلمنا الاولانى..........خلاص قلبى نسيك من يوم وداعنا وقلبى بينسى اى حد رمانى
ليه ارجع لقلب عاش خاين و في جرحه ليا مكانش باين .. ليه ارجع لقلب عاش لنفسه و دمعي عليه هاين
و دار الزمان وقابلتك من تانى.........اوعدك انى هجرحك وهعذبك وهكون انانى
هكون قلب ظالم و قاسي و هقتل كل احلامي .. هكون واحد تاني عمرك ما شوفته في ايامي
خلينى اشوفك من بعيد وابص تانى.......على القلب اللى حبيته سنين وباعنى فى ثوانى
خليني اشوف دموعك مرسومة في عينكي من بعيد .. خليني اشوف جراحك اللي بدأتيها من جديد
انا نسيتك خلاص وصورتك معاتش على البال.........بوعدك انى مش هسيبك مرتاح وهخليك على اده الحال
انا نسيتك و نسيانك ليا هيكون محال .. بعتي قلبي و من خيانتك ليا جراحي بنت بيني و بينك جبال
جرحك هيفضل على بالى مهما تطول الليالى..........وحضنك مش قريب وقلبى من جرحك خالى
جرحك غير في قلبي كتير في الحب من معاني .. جرحك علمني اعيش وحيد .. اعيش اناني
علمتنى الحب وعيشتنى احلى ايامه ولياليه ........وقلبى خدعته ومحيت كل اللى فيه
كان في قلبي ليك غرام وشوق وحب .. كان في بيننا وعد عمر ما هيفرق بيننا بعد
مهانش عليك قلبى اللى خدعته وهانت عليك دموعى.....خلاص نسيتك ومسحتك من بالى وياريت تنسى رجوعى
مهانش عليك ترجع قلبي اللي سرقته و كسرته قصاد عيوني .. قلبي غلطان و في حبه ليك هيعيش ندمان رافض رجوعي
خنتينى وعذبتينى وسيبتينى وحدى فى وسط التيار........لا تبكى خلاص انتهى وقت الاعذار
بعدتي و رميتي قلبي اللي عاشلك في النار .. بعدتي و سيبتي قلبي في جراحه مستسلم للانهيار
دلوقت جاى وتقول رجوع خلاص انطفت كل الشموع...........لاتبكى خلاص معتش فى مكان للدموع وقلبى من جرحك موجوع
دلوقت انا بعت قلبي و بعت حبي و اخدت مكانهم بحر دموع .. بحر ملوش اخر رميتني فيه من غير رجوع
وقدرت على فراقى وبايدك ضيعت الباقى من هوانا........دلوقتى جاى بتعتذر وبتحن تانى ليوم لقانا
بتحن لجرحي وراجع تقولي يلا نرجع من جديد .. يلا نرجع نبدأ من جديد مشوار عذابي و جراح الخيانة
كان نفسى تكون معاياونكمل قصه هوانا اللى اتولدت وعاشت جوانا..........جرحتنى وعذبتنى ودلوقتى راجع تانى وبتترجانى انى اقرب يوم لقانا
كان نفسي اعيش معاك كل حلم كان جوانا .. كان نفسي اعيش معاك و تكون بحبك هيا النهايه
signed/abo almaaty & mido
[ندعوك للتسجيل في المنتدى أو التعريف بنفسك لمعاينة هذه الصورة]

20/02/2010

شكرا يا ابو المعاطي و اسف يا جماعة علي التأخير - التأخير كان من عندي عشان كنت بسافر كل يوم تبع برلمان الجامعة و كمان النت كان وحش لما كنت برجع من السفر

يا ريت القصيدة تعجبكوا و علي فكرة دي من القصايد اللي كتبناها و احنا حاسين كل كلمة فيها انا و ابو المعاطي و يا ريت انتوا كمان تحسوها زينا ..

ودي كانت البداية ...

08/10/2009

ايوه احنا كنا مستنينها من زمان
مجهوووووووود رائع بجد

وميرسى يا ابو المعاطى ويا ميدو

20/02/2010

شكرا يا بطاطا علي مرورك و الحمد لله انها عجبتك و يا ريت تعجب المنتدي كله و اسف تاني علي التأخير