ذكريات ايام زمان؟؟؟؟؟؟

30/09/2009

بصراحه انا اللى خلانى اكتب الكلام ده انى بجد بشعر بحنين شديد جدا لايام زمان واصحاب زمان وللمدرسه وايام الكليه بجد كانت ايام جميله انا متذكر ايام اول محاضره ليه فى الكليه عملت فيها مشكله مع احد اعضاء هيئه التدريس لسه مكونتش ااخد على النظام لكن بعد كده بقينا سمن على عسل مع بعض وبتذكر محاضرات السباحه كانت المحاضرات بتاعتنا فى قناه السويس فى عز التلج وانا فاكر ايام لما كانت المدينه فى الكليه قبل ماتتنقل وكانت المحاضرات فى الهواء الطلق كره اليد والطائره والسله والسلاح والملاكمه والجودو والمصارعه فى القاعه اللى تحت المكتبه والعاب القوى وكره القدم كان مكان الملعب بتاع الكوره وكان طين الاول يعنى كنا بنلعب كوره على طين والعاب قوى برده

احنا كدفعه عاصرنا كل حاجه تعاقب علينا 3 عمداء للكليه
واحنا فى 3و4 الغيت المدينه الجامعيه للطلاب المغتربين من داخل الكليه

عاصرنا فى 3 و4 الصاله وافتتاح الملاعب الترتان يعنى اتفتحت بعد ماخلصنا 1و2 على طول يعنى احنا مااستفدناش بالحاجه دى خالص يادوبك كنا بنحضر تربيه عملى لطلاب الهاند بول فى الملاعب الترتان بس

اول مره يدخل البنات كليه تربيه رياضيه كنا احنا فى سنه 4

احنا اول مادخلنا الكليه الطابور كمان ملغى عندنا ورجع واحنا فى 4

ياريت كل واحد فينا يحكيلنا على شويه من ذكرياته
يعنى احنا كنا بنثبت بس فى الطابور

احنا اول دفعه يتغير عليها نظام اختبار بحث التخرج يعنى مثلا الاول كان دكتور الماده هو المسئول عن وضع الدرجات فقط على دفعتنا اصبح هناك 2 استاذ دكتور من القسم بتاعك

عندنا كان فى دكتورين من اعضاء هيئه التدريس من قسم التدريب كانت المناقشه فى التدريب فقط بغض النظر عن التخصص بتاعك

08/10/2009

احنا برده كنا بننزل حمام السباحه فى عز التلج
وكمان العاب القوى كانت فالشمس

انا لو افتكر ذكريات
هفتكر ايام ثانوى وبس كانت احلى ايام حياتى بجد

17/10/2009

يا جامده يا مها

انا مكنش بيفرق معايا المايه في حمام السباحة

لان بحب المحاضرة دي

اكتر ماده كرهتها هي التمرينات والجمباز

ونفسي ارجع فتره قبل كده

في الثانويه

شكرا يا محمد علي موضوعك

13/12/2008

وانا فاكر اول يوم ادخل فى الكلية بعد لما الدراسة ابتدت كان فى رمضان
وكنت داخل متأخر علشان كنت داخل مرحله تالته علمى
اعقبال لما عرفت التنسيق
وشوفت الناس وهى طالع عنيها فى الشمس والجو كان حر جدا
وطبعا كنت بسمع منهم للاسف ان فيه ناس كتير كانت بتفطر ساعتها ومش بيستحملو
بس بجد اللى كان عجبنى اوى وقتها هو ان كل مجموعة بلبس معين
الاصفر تلاقية مع بعضة والابيض مع بعضه وكدة
لاكن بصراحة دلوقتى الطالب اللى فى سنة اولى تلاقية لابس ابيض واحمر وبنفسجى وكل حاجة
وبعد لما دخلت الكلية كدة بكام يوم كانت اصعب ماده عليا هى التمرينات بجد
وعلى فكرة دى اصعب سنة عدت علينا فى التمرينات فعلا لان دكتور عماد اشتغل معانا جامد اوى
وكلنا تعبنا بس الحمد لله ربنا كرمنا فى الاخر
والماده اللى مكنتش بحبها هى الالعاب الصغيرة لان كان بيبأة عددنا كبير اوى فى المحاضرة
والماده دى بالذات مينفعش يكون العدد كبير
ازاى اكتر من 30 واحد على ملعب تنس واحد مثلا او على ترابزتين طاوله غير ان المضارب وحشه !

المهم ان الكلية كانت بالنسبالى صعبه فى الاول بس بعد كدة الواحد اخد على الوضع
ولو هتمنى ان الوقت يرجع شوية ايام الكلية يبأة هقول الترم التانى فى سنة اولى
كان من احلى ايام فى الكلية
وكمان كان كل شعبتين مع بعض والشعبتين بتوعنا كانو اخر شعبتين فى الدفعه ومكنش بيجى حد منهم كتير كنا بنبأة فى المحاضرة مش مكملين 10 فى الشعبتين

نايس توووبك يا ابو المعاطى يا جامد