دعوه للعمل بالمهن الحرة؟؟؟؟

30/09/2009

بجد ياجماعه الواحد اثناء حياته بيتعرض للظلم فى مواقف كتيره جدا من قبل اشخاص اخرين وطبعا اثناء العمل فى كتير منا بيتعرض لمواقف الكوسه فى كل مكان وطبعا انتوا عارفيين اكتر منى فساعات كتير تتلاقى حد كويس اوى وبيتكلم لغات كتير وطبعا بيضيع بسبب الكوسه اللى ماشيه فى كل حاجه فى حياتنا فبجد الناس دول مش مقدريين ان ربنا هيحاسبهم على كل خطا ارتكبوه وكل واحد لم يكن مهيا انه يدخل الوظيفه دى فبجد لو الناس دى عرفت ان دعوه الظالم مجابه لكانوا مشوا الحوارات دى زى المسطره على فكرة اى واحد فينا لازم يعتمد على الكوسه دى طبعا لازم تحصل عشان يمشى اموره ويخلص لو لم يعتمد عليها كان راح فى 6الاتلت فبجد لو انت عايز تشتغل بسهوله لازم تجيب مسئول كبير منتا عارف ان كل التعليم اللى احنا بنتعلمه ملوش لازمه ممكن تكون جايب جج وواحد تانى جايب ل ول يتعين قبلك سبحان الله مبلاها تعليم ونروح نتعلم صنعه انا فاكر ان انا اثناء توضيب المحل بتاعى جبت استورجى يدوبك ساعه زمن وخد 300 ج سبحان الله انا تخيلت الموظف الغلبان اللى الظروف ملطشه معاه واخره 200 ج فى الشهر وغيرها وغيرها عندنا المتعلميين دول اخر ناس فى كل حاجه فى التعيين والمرتبات فلو كنا نعرف كده بجد كل واحد فينا كان اتعلمله صنعه واشتغل فيها ايه رايكوا ياجماعه كل واحد فيكم يتعلملوا صنعه ويشتغل فيها ويسيبه من التعليم ده

08/10/2009

انا مش عارفه اقول ايه لان كلامك كله صح ودى الحقيقة بس ياترى فى حل ولا لأ
انا الحال مش عاجبنى ونفسى يبقى فى حل لكا ده
اومال السرقه والنصب دول بيجوا منين اكيد عشان محروم فبيسرق عشان مش لاقى وظيفه
ولو اشتغل هياخد كاااام فبيضطر يسرق عشان يعيش زى الناس

انا دلوقتى لما بشوف جرايم بتحصل مش بستغرب لان اللى جاى هيبقى اصعب
طول مافيش شغل
والبطاله دى موجوده اكيد

وشكرا ع التوبيك تسلم ايدك

30/09/2009

كلامك صح والله طول مفى بطاله توقعى اى حاجه ممكن تحصل لكن لو الحكومه وفرت شغل للناس كل الكلام ده مش هيحصل

08/10/2009

ده كمان بيقولوا ان معدتش هيبقى فى تكسيات تانى عدوا الرقم اللى متحدد
وخلاص يعنى حتى لو الواحد عايز يجيب مثلا تاكسى يشتغل عليه مش هيعرف
والاسعار هتعلى اوى

انا سمعت الكلام ده من واحد قريبى مش عارفه بقا ؟؟؟؟؟؟؟؟؟؟؟؟؟

02/12/2009

الحكومة نايمة اصلا ومش هتعمل حاجة مهما حصل
وهو فعلا موضوع البطالة بقا صعب اوى
ربنا يرحمنا
ميرسى يا قمرى موضوع جامد

30/09/2009

بجد انا مش عارف الجيل الجاى هيعمل ايه اذا كان احنا عاملين كده ربنا معانا

13/12/2008

المفروض دلوقتى ان كل واحد يعتمد على نفسه
ويشوف الحاجة اللى هو مميز فيها ويعمل منها مشروع دة فى الاول
لو جت حاجة بأة تانية دى كلام تانى لاكن مينفعش انى اعتمد على حاجة انا اساسا دى هتيجى سنة كام وامتى اذا كان دلوقتى اغلب الشباب ممكن يتخرج من الجامعة وهو عنده 25 سنة بعد كفاح طويل فى الدراسة [ندعوك للتسجيل في المنتدى أو التعريف بنفسك لمعاينة هذه الصورة]
يدخل الجيش بعد كدة كمان
وبعد لما يخرج الجيش يفكر كدة مجرد تفكير انه عايز يتجوز يتصدم ان معهوش قرش يفتح بيت
وان فلوسه بتضيع فى حجات هايفة
علشان كدة الواحد والله بجد لازم يعتمد على نفسه من دلوقتى يشتغل حتى وهو فى الكلية مش شايف انها عيب ولا حرام

17/10/2009

بجد كلامكوا صح يا اصدقائي

وهيا دي مصر ام الدنيا