كتير من خريجي الكلية ما يعرفش ان الكلية كانت في الكرنتينه وانا خريج دفعة 1998 قسم ادارة واحنا ثاني دفعة على مستوى مصر في تلك التخصصات . وكانت الكلية نظام داخلية (ميري) ونظامها كان كويس واتعلمنا منه كتير طبعا حضرنا اول عميد للكلية الرجل الفاضل المحترم الخلوق الاستاذ الدكتور / عادل عبد البصير . ذكرياتنا في الكلية كتير كفاية اعرفكم ان الكلية ما كنش فيها اي ملاعب حديثة ولا صالات مغطاه وكنا بناخد محاضرات السباحة في القناة واغلب الدكاترة ورؤساء الاقسام حاليا كانوا معيدين او م م وتحياتي للجميع

اهلا وسهلا بيك معانا

من أجمل أيام حياتى ذكريات الكرنتينة ، أنا محمود رشاد أحمد ، خريج عام 2003 شعبة تدريس ، أذكر أننا حضرنا نظام الداخلية عام واحد ، مع الدكتور / أسلام باشا الطحلاوى ، د / أحمد حسين ، د / أحمد السيد ، د / سامى عكر ، د / شريف الشاهد بتاع السباحة رحمة الله وأدخلة فسيح جناتة ، كانت أيام جميلة تعلمنا فيها كل شئ تحمل المسئولية والصبر ، ايام الأستاد الدكتور / السيد عبدالجواد عميد الكلية وأفضل شخصية أنسان خلوق .


أبعث سلامى لكل أستاذ ودكتور كان له فضل عليا ، وسلامى غلى كل زملائى خريجى دفعة 2003 .

واي ذكريات اجمل ذكريات مع طلبة الكلية الرجالة دفعة التخرج سنة 2001 - 2002

انا كمال جاد البشبيشي خريج دفعة 2001 - 2002 طبعا قضيت سنة في نظام الداخلية اللي عرفني علي طلبة رجاله وبتمنى اني اعرف اخبارهم لانهم كانوا اخواتي وليسو زملائي فقط طبعا منساش اساتذتي الدكاترة الدكتور ابراهيم جزر استاذي واخويا الكبير اللي بحبة من كل قلبي الدكتور سيد عيسى المحترم والدكتور نادر شلبي وطبعا الدكتور احمد السيد والدكتور احمد سعيد والدكتور سامي عكر وطبعا الدكتور محمد منير الطيب المحترم

أنا أحمد عبد المنعم الشهير (بكشري )دفعة 1999 تقدير عام جيد جداً ،أفضل أيام حياتي كانت في كلية تربية رياضية بورسعيد ، ونفسي ولو يوم واحد من أيام الكلية ، أيام الداخلية وطابور التمام وجرس الداخلية واللعب بالليل على الأضواء وترتيب السراير وتنظيف العنبر والنوم بميعاد ومحاضرة سباحة في القنال، فعلاً كانت أيام صعبة ، ولكن كانت لذيذة إتعرفت فيها على أفضل أصحاب العمر ، ومنهم حسين على سيد ومنصور خطاب وأحمد رخا وأحمد حرات ويحيي محمد ومحمد زقزوق والجرايحي والمالح ووليد بدر وسميسم والسيد بخيت وأحمد رمضان وإدريس ووليد حمزة ووليد طه ومحمد الليثي وطارق الكيلاني وميمي حمدان وأحمد عادل ومحمد شعير ووتامر رفعت وهشام سعد ويحيي عبد الكريم وهشام الشناوي وليد جاد ومحمد جبر وأكرم فكري ومحمود كثير والحسيني المرسي ،.........وغيرهم كتير ، مع أطيب الأمنيات للجميع بالخير والسعادة .

اهلاااا بيكم معانا

أحمد عبد المنعم محمد كتب:

أنا أحمد عبد المنعم الشهير (بكشري )دفعة 1999 تقدير عام جيد جداً ،أفضل أيام حياتي كانت في كلية تربية رياضية بورسعيد ، ونفسي ولو يوم واحد من أيام الكلية ، أيام الداخلية وطابور التمام وجرس الداخلية واللعب بالليل على الأضواء وترتيب السراير وتنظيف العنبر والنوم بميعاد ومحاضرة سباحة في القنال، فعلاً كانت أيام صعبة ، ولكن كانت لذيذة إتعرفت فيها على أفضل أصحاب العمر ، ومنهم حسين على سيد ومنصور خطاب وأحمد رخا وأحمد حرات ويحيي محمد ومحمد زقزوق والجرايحي والمالح ووليد بدر وسميسم والسيد بخيت وأحمد رمضان وإدريس ووليد حمزة ووليد طه ومحمد الليثي وطارق الكيلاني وميمي حمدان وأحمد عادل ومحمد شعير ووتامر رفعت وهشام سعد ويحيي عبد الكريم وهشام الشناوي وليد جاد ومحمد جبر وأكرم فكري ومحمود كثير والحسيني المرسي ،.........وغيرهم كتير ، مع أطيب الأمنيات للجميع بالخير والسعادة .

منورنا يا ابو حميد وايام الكلية دى متتنسيش والله

kimofox كتب:

انا كمال جاد البشبيشي خريج دفعة 2001 - 2002 طبعا قضيت سنة في نظام الداخلية اللي عرفني علي طلبة رجاله وبتمنى اني اعرف اخبارهم لانهم كانوا اخواتي وليسو زملائي فقط طبعا منساش اساتذتي الدكاترة الدكتور ابراهيم جزر استاذي واخويا الكبير اللي بحبة من كل قلبي الدكتور سيد عيسى المحترم والدكتور نادر شلبي وطبعا الدكتور احمد السيد والدكتور احمد سعيد والدكتور سامي عكر وطبعا الدكتور محمد منير الطيب المحترم

منورنا يا كمال والله وان شاء الله كلكم تقدرو تتواصلو مع بعض تانى الفتره اللى جايه