..:: موقع طلبة وخريجي تربية رياضية جامعة بورسعيد ::..


LIKE , COMMENT, SHARE .. مصر عند أطراف أصابعك ..

استعرض الموضوع السابق استعرض الموضوع التالي اذهب الى الأسفل
كاتب الموضوع
Mahmoud Mahfouz



avatar


ذكر
عدد المشاركات :
3224

سجل فى يوم :
13/12/2008

العــــمـــــــر :
26

الفــرقــة :
  • الرابعه

مجــــ النقااااط ــــموع
4671
راديو وشات بورت سبورت http://www.port4sport.com/RadioChat-h3.htm
http://www.youtube.com/user/MahmoudOptions http://www.facebook.com/M.Ma7fouz http://www.y4eg.com

مُساهمةموضوع: LIKE , COMMENT, SHARE .. مصر عند أطراف أصابعك .. الإثنين 28 فبراير - 21:52




نظام الثانوية العامة الحالي إسمه الثانوية العامة الجديدة أو نظام الثانوية العامة الحديث... هو سنتين وبدايته تقريبا كانت 96 قبل كده كانت الثانوية العامة سنه واحدة واللي يشيل مادة كان يعيد السنة كلها لا ملاحق ولا غيره
.. ما طولش عليك .. قولي لأ طول..... أنا حضرت التغييرات دي بحكم إن والدي الله يمسيه بالخير مدير مدرسة ثانوي أول ماتحط النظام الجديد بتاع السنتين.. الوزير أيامها حسين كامل بهاء الدين عمل حاجة جميلة علشان يفهم الناس النظام ده (والله السياسيين زمان كانو دماغ بجد .. الله يرحمك يا كمال يا شاذلي 46 سنه في البرلمان محدش قال بم .. يدوب إتكل على الله من هنا المجلس اتحل .. وكلامي ده مش للتأييد .. ده فقط للإعجاب) .. الوزير طلب من كل إدارة ترشح أحد الشخصيات داخلها ممن يصلحوا أن يعملوا كمرشدين أكاديميين .. يعني النظام لسه في أوله والدفعة اللي حيطبأ عليها النظام هما وأولياء أمورهم يتولى المرشد الأكاديمي شرح النظام ليهم ومساعدتهم في إختيار المواد .. لأن النظام ده كان في أوله حاجة معقدة جدا .. والراجل الوزير قد أحسن صنعا لما أوكل
المهمة دي لناس من قلب الإدارات التعليمية وفاهمين دماغ أهلهم وناسهم .. أهو أحسن مايبعت شباب من بتوع جمعية جيل المستقبل جيل وبدلة ونضارة نظر رقيقة جدا (تحبب الواحد في ضعف البصر) كل اللي يعملوه يرزعوا الفلاشة في اللاب توب وشغل البرزينتيشن وهات ياقرايه .. ياعم يهديك يرضيك مافيش وعلى رأي عمنا وأستاذنا الدكتور عاطف السعيد .." فلاشتي في جيبي تداري عيبي" الله يمسيك بالخير يابا.... مسك كل نشرات وكتيبات الوزارة ودرسها دراسة مستفيضة وعمل نموذج زي خريطة للنظام الجديد .. مثلاعايز تدخل كلية كذا - اتبع السهم حيدلك على المواد .. طيب تحب المادة دي الأول ولا دي - إتبع السهم وتفضل تختار كده واحدة واحدة .. والراجل عمل تعديلات كتيرة عليه بغرض التسهيل .. حتى أنا كنت لسه تلميذ صغير ساعتها وجرب النموذج معايا وفضلت أختار.. وأدي النتيجة ... ووالدي عرض النموذج في الإجتماعات الدورية اللي كانت بتجمع المرشدين الأكاديميين مع مستشار الوزير .. والحقيقة النموذج وجد استحسان وأخده البعض علشان يجربوا تطبيقه في مدارسهموكانت النتيجة
ماتعرفش إذا كان النموذج نجح ولا فشل (وده دليل على مايتمتع بيه هؤلاء المربين الأفاضل من نزاهة وضمير وصحصحة .. وده جدير بناس ما أخدوش ولا مليم على إنهم يفهموا الناس النظام الجديد) .. ماحدش فيهم قال تمام يافندم وكله في الأوكيه ..

النتيجة اللي وصلولها إن الناس بصوا من فوق لتحت مش زي الطبيعي من تحت لفوق يعني إيه ..

بإختصار هما إختاروا الأول الكليات .. هات لإبني طب هات لإبني صيدلة هات لإبني هندسة .. ياعمنا إنت بصيت الأول على المواد المؤهلة وشوفتها بتتناسب مع قدرات إبنك ولا لأ .. يا أستاذ حكاية المواد دي تيجي بعدين المهم المهم يأستاذ إتكل على الله وإختار لإبني المجموعة الطبية (وعليه ياحضرات بقي والدي واللي زيه من المرشدين الأكاديميين حيتجننوا ..هما عارفين الطلاب بحكم السكن والتدريس وعارفين إن دي مش قدراتهم .. ياحاج يهديك يرضيك .. ملكش دعوة إنت يا أستاذ إختار للواد طب .. وكل المرشدين التعليميين على قلب رجل واحد للسيد المستشار إلحقنا الأهالي فاكرينا مكاتب التنسيق اللي يجي عندي بيختار كليات .. مابيخترش مواد .. وطبعا الوزارة عايزة النظام الجديد يمشي ..

وأنا هنا عايز أقف وقفة إحترام وتحية لكل تربوي شارك بضمير واعي في شرح النظام الجديد .. وكل إنسان كان مكتوبله إن ياخد بإيد أهله وناسه لنظام جديد .. وأدي اللي عليه بأمانة وضمير وصحصحة .. ولم يلتفت إلا لما يمليه عليه ضميره)

طبعا إختار لي يا أستاذ وملكش دعوه إنت .. وكل الأهالي دي متعلمين وتعليم عالي جدا .. أمرنا لله تختار إيه يا إبنيهات لي طب يأستاذ .. وأنا يأستاذ والنبي هات لي صيدلة .. وطبعا النتيجة معروفة .. وبرضه الأهالي ماسلمتش .. وكان أيامها حاجة إسمها التحسين تسمحلك تخش المادة الواحدة 4 مرات وتتحسبلك أكبر درجة جبتها في الأربع مرات وأتذكر والله ولي أمر .. والدي جابه البيت عندنا كذا مرة علشان يقوله إبنك .. دي مش قدراته ولا دي سكته .. وظروفك المادية مش حتسمحلك إن إنت تعافر في الدروس .. وأبويا كان قرب يبوس إيده .. بس الراجل راسه وألف سيف يختار لإبنه طب .. يا حاج أنا مش مكتب التنسيق .. إتكل على الله يا أستاذ .. والولد دخل الإمتحان ال 4مرات وسقط فيهم وفضل يدخل ويسقط وهكذا لحد ماتلغى نظام التحسين ونظام الإعادة وكل الأنظمة

نفس القصة دي ونفس السيناريو ده بيتكرر دلوقتي .. بس بطريقة ومع الأحداث الأخيرة

قمت من ظلملت اللييييييييل الطوييييييل والظلمممممم ولاظلااااااااااام والكلام اللي موجود في القصص اللي درسناها في مادة اللغة العربية ... واستيقظت مصر على فجر جديد وأول حاجة لازم نفتتح بيها العهد الجديد إننا نفتح النت (مع إن العادة دي معانا من العصر البائد ) ونفيس (ندخل عل الفيس يعني) ... وصباحوا أبيض ياعهد يا جديد وأول مافتحت الفيس بوك لقيتني غصب عني بشارك في صنع مستقبل مصر الجديد زيي زي كل المصريين اللي قاعدين دلوقتي بيصنعوا مستقبل مصر .. وجنبك (المج اللي فيه النسكافيه أوالهوت شوكليت حسب ماتحب يعني.. والله أعلم إنت مشغل إيه جنب الفيس خد ......... عندك نحو مصر أفضل دي إسم صفحة على الفيس
أنا دوست (ضغط) إيه... دوست
Like


مباشر من مصر
... دوستدوست إيه؟ like

نحو ديمقراطية حقيقية ... دوست .. دوست إيه ؟ like

إرفع راسك .. إنت مصري (بارااااجل ... ماعلينا ) ... دوست .. دوست إيه؟like برضه

نحو تعليم أفضل
... دوست .. دوست إيه؟ like

كلنا نساعد بعض... دوست .. دوست إيه؟ like

عايزينها ثورة بجد
(أمال كل ده قناة الجزيرة كانت بتشتغلنا ولا إيه ... ما علينا)... دوست .. دوست إيه؟ like

عايزينها تبقى أجمل... دوست .. دوست إيه؟ like

عايزينها تبقى خضرا... دوست .. دوست إيه؟ like

غير بقى الصفحات اللي عايزة تعمل حزب سياسي للشباب

خد ... بالك

حزب 25 يناير
حزب شباب 25 يناير
حزب ثورة 25 يناير
حزب ............ 25 يناير أكمل النقط بإحدى الكلمات من قبيل( حرية – ديمقراطية - ثورة – عدالة- أخلاق- تضامن- مساواة - حقوق - أداب - تجارة عين شمس)

والبعض اتجه إلى المزيد من التغيير فأنشأ صفحة حزب 25 يناير 2011محزب شباب 25 يناير 2011وهكذا .. حزب الأربعاء 25 يناير .. وحزب ثورة الأربعاء 25 يناير الساعة 2 الضهر ده طبعا غير الفيديوهات والمقالات والصور والأخبار اللي بتنهال عليا من كل حدب وصوبده فيديوا بتاع العادلي وهو بيتقبض عليه ... وفيديو أحمد عز وهو بيلعب درامز قليل الأدب (على فكرة إسمها بيلعب درامز مش بيطبل .. مع إني ودي للموضوعية _ ليس إلا _ مش عارف إيه اللي فيها عيب .. ولو جبت تقرير الجهاز المركزي للمحاسبات اللي بيوضح العمليات الإحتكارية وأثرها على السوق المصري الناس حتنفضلها ... مش هو إحتكر (أيوه ).. والإحتكار دي كلمة وحشة( برضه أيوه)... خلاص يبقى هو وحش ..ويستاهل نعمل للفيديوا بتاع الدرامز إياه ...like

إيه ده مصر بقيت جميلة أوي عل الفيس ....
إطلع من الفيس شويه خلينا نشم هوا طبيعي مش إلكتروني تدور على حد جاب حل واضح وواقعي وحقيقي لمشكلة البطالة متلاقيش .. ودي ذقني لو حد من نجوم الفضائيات والفيس عرف يحلها تدور على حد جاب حل واضح لمشكلة التعليم وأنا قصدي بكلمة واضح حل يكون مقنع وليه جدول زمني وقابل للنفيذ وللقياس .. مرة تانيه .. خد ... دقني أهي لو حد عرف يحلهاوكذلك بالنسبة لمشكلات زي التلوث ، وحاجات تانية كتير وطبعا لو عملت جروب أو أنشأت صفحة عنوانها "من بكره تعليمنا .. مش حيبقى زي بتاع إمبارح" .. ده العنوان .. ومن غير حتى ما تحط حلول .. حتلاقي 80 ألف واحد عملواlike نفس سيناريو الثانوية العامة الجديدة (قصدي يعني اللي كانت جديدة أيامها)تقف
أدام الشاشة وتالاقي .. ديمقراطية .. حرية ... مساواة .. عدالة إجتماعية .. تعليم أفضل أحمدك يارب .. والجروبات والصفحات زي مجاميع الثانوية العامة من نوع 105% طبعا ممكن تستغرب ال 5% جم إزاي؟؟ .. كان النظام أيامها يسمحلك تختار مادتين مستوى رفيع وكل مادة 20 درجة بتاخدهم كاملين وتخشها 4 مرات إمتحان .. وعيش يامعلم .... بقول لك الجروبات

والصفحات بقيت عاملة زي مجاميع الثانوية العامة الجروب ده عمله 70 ألف مشترك وده 50 ألف والفكرة بتاعة الصفحة دي عاجباني وكمان فيها بتاع 90 ألف مشترك .. وطبعا كلها برضه زي مجاميع الثانوية العامة محاميع تعبر عن أمنيات أكتر ما بتعبر عن قدرات.. عايز أقوللك إن أيام ماحصلت الطفرة في مجاميع الثانوية العامة بالشكل الغريب ده .. المخابرات الأمريكية (والكلام ده حقيقي) رصدت الموضوع وحست بقلق .. لكن بعد دراسة وتحليل طلع تقريرها وفيه كلمة واحدة "إنسى ياعمر" وطبعا أهي مجاميع كبيرة لا منها دخلت كلية ولا منها عملت مستقبل وعملنا اللي علينا .. وإخترناlike وإنشغلت جحافل الفيس بوك بعد كده بالراجل اللي ورا عمر سليمان .. و "لولم أكن مصريا لوددت أن أكون الراجل اللي ورا عمر سليمان" مش عارف ليه الحكاية دي فكرتني بمحمد سعيد الصحاف "بتاع كلمة (العلوج الأمريكان) واللي الفضائيات عملتلها مولد أيامها وجابت المحللين اللغويين .. والكلمة دي بالذات الشعب كله مر عليها في قصة ""وإسلاماه "" في تانية ثانوي" المهم الصحاف إختاروه نجم الحرب .. وعملناlike للمشروع العبقري بتاع الصحراء الغربية اللي هي فكرة العالم المصري الكبير فاروق الباز.. مع إن المشروع ده موجود في كتاب من كتب مكتبة الأسرة أم 2 جنيه من زمان.. والله.. بس في حد قراه من الشباب .. وعملناlike لصفحة "عايزين قناة السويس تبقى بالجنيه مش بالدولار " مع إن دي حاجة متنفعش علميا وعمليا وزي
ما قولتلك محدش لحد دلوقتي قدم مشروع واضح وصريح وزمني وقابل للتنفيذ
لمشكلات البطالة والتعليم والزيادة السكانية والتلوث و... و...

مش عايزك تبتأس .. لأن الأحداث الأخيرة عملت تغيير فكري إيجابي رهيب وهو إن
إحنا كمجتمع إنتقلنا من تكوين المجتمع الهرمي السلطوي الذكوري الأبوي ..
ودخلنا مرحلة المجتمع الشبكي ودي أول خطوة نحو التحول لمجتمع المعلومات
المتقدم بالشكل الصحيح (على فكرة كلمة شبكي مش جاية من شبكة الإنترنت
..لأ.. دي جاية من طبيعة العلاقات اللي حتسود بين الأفراد)


برضه مش مقتنع بكلامي ... على فكرة .. المصابين واللي اتسحلوا واللي اتفعصوا في المظاهرات ... مرميين في
المستشفيات بيعانوا الإهمال .. والوحدة والجحود .. أصل الناس انفضت من حولهم .. ونامت في الفيس بوكعايزك ترجع لملحق الأهرام .. حتلاقي ست مسنه على باب الله فقدت خمسة من أولادها قبل كده .. والوحيد اللي فاضل ..
واللي كان بيصرف عليها طلع في المظاهرات ومارجعش .. الست دي مسنة ومش لاقية تاكل وكلها كام يوم ومش حتعرف تدفع إيجار بيتها .. ونفسها_ بس نفسها_ تعرف يعني لو إبنها مات .. تعرف قبره فين علشان تروح تزوره وتترحم عليه تصدق الشهداء مريحين برضه .. كل اللي محتاجينه كلها كام صورة عل الفيس وكام
صورة عل التيشرت ، وكام جروب من نوعية "إحنا الشهدا" و "ياريتني كنت مكانك" .. الله يرحمهم ويصبر أهلهم إيييييييييييييييييييييييييييييييييييييييييييييييييييييييييييييييييييييهكلمة "إيه " دي تنهيده والله تنهيده حاره ومعاها دمعة كمان .. أه يعني مش "إيه" بتاعة شعبان ..إلا هو فين صحيح؟؟؟ عندي فكرة جروب على الفيس بوك بس فاجررررة إسمها "حتكبر .. بينا" بتقول إيه ... بتسأل إيه دي اللي حتكبر بينا إيه اللي حتكبر بينا .. برضه يا صايعأكيد "مصر" هو في غيرها على الفيس مش بقول لك مصر عند أطراف أصابعك



بقلم م.م/ أحمد عبد الظهير

http://www.facebook.com/profile.php?id=100001189229241
الرجوع الى أعلى الصفحة اذهب الى الأسفل

LIKE , COMMENT, SHARE .. مصر عند أطراف أصابعك ..

استعرض الموضوع السابق استعرض الموضوع التالي الرجوع الى أعلى الصفحة

مواضيع مماثلة

+
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
..:: موقع طلبة وخريجي تربية رياضية جامعة بورسعيد ::.. ::  :: مقالات دكتور جامعي-
© phpBB | Ahlamontada.com | العلم و المعرفة | الجامعات و التعليم العالي | منتدى مجاني للدعم و المساعدة | إتصل بنا | التبليغ عن محتوى مخالف | انشئ مدونتك الخاصة