موضوع: و رجعت تاني " قصيدة (بينطفي شمعي ) " الأحد 6 يونيو - 21:07
مقدمة : القصيدة دي تعتبر زي عودة الحياة ليه بعد ما كنت خلاص قلت اني خلصت كل الكلام و مش هعرف اكتب تاني و قعدت فترة مبكتبش و بصراحة ملقتش حاجة اكتبها غير اللي بيحصل كل يوم مع كل واحد مننا من كل اللي حواليه و لو كل واحد دور في سطور القصيدة هيلاقي سطر بيعبر عنه ------------------------------------------------ قصة القصيدة :
واحد ضاع منه عمرة و لحظة ما عرف ان اللي راح من عمرة مش ممكن يعوضة بيعد يحاسب نفسة و يفتكر حياتة و بيسأل نفسة اسألة مش لاقي ليها جواب ف بيبدأ يسأل اللي حوالية ( جرانة - حبه - الناس - صحابة ) و في الاخر مش بيلاقي جواب علي اسألتة يا رب تعجبكم و سوري لو كنت زودتها في الحزن شوية
-------- بينطفي شمعي ---------
بعد الايام و الدقايق و الساعات .. بعد اللي راح من عمري و عدي و فات بعد الدموع علي الايام المره و اللي مات .. بعد جروحي و بسأل ليه مكتوب في الحزن أبات بسأل و عمري ما لقيت لأسألتي جواب .. بسأل و يوم ورا يوم العمر بيعدي و بيتسرق من غير حساب بسأل, مستني رد و بخبط علي كل باب .. بسأل لو هعيش مستخبي ورا قلمي بحفر بيه جراحي في كل كتاب
ليه بننسي الحلو و دايما نفتكر المر اللي راح .. ليه بنعيش في ندم و عتاب و نبني فوق كل بيت قصر جراح ليه بننسي اللي بيخلص و دايما نفتكر اللي باع .. ليه اخر كل حكاية جرح كبير و كلمة وداع ليه بننسي الحياة و فجأة نتصدم و نقول ده العمر اللي ضاع .. ليه بنسي نعيش و نموت كل يوم من الاوجاع بسأل, مستني رد و بخبط علي كل قلب قدامي .. بسأل لو هعيش اللي فاضل من عمري مستخبي ورا كلامي
ليه كل شجرة حب بتطرح كل سنة جراح .. ليه كل دمعة حزن بتبكي علي اللي في شوقي عاش مرتاح ليه كل قمر تايه في سمايا من غير نجوم .. ليه كل عاشق بضيع ليله و بيروح منه النوم ليه كل حب بيكبر معاه خوف بيزيد كل يوم .. ليه كل نظرة عين بتدبح من القلوب اللي بيصحي علي جرح كل ما يقوم بسأل, مستني رد و بخبط مستغرب وشوش الناس .. بسأل لو هعيش شايف كل واحد مستخبي ورا قناع من غير احساس
ليه اللي بيخلصلك و بيوفيلك بتبيعه وسط كل الناس .. ليه اللي بيوثق فيك تخونه علي شئ تافه مايسواش ليه اللي عاشلك بتنساه و تقول اهو ماضي .. ليه اللي حبك و كتير قرب منك بتبعد عنه في الخطوة اراضي ليه تخسر اللي في حزنك كان ليك بيحزن بالسنين .. ليه عايش ورا 100 وش ده انا صبري معاك طال و الصبر اجيبه منين بسأل, و مستني رد و خلاص مش لاقي جواب .. بسأل لو هيا دي نهايتي و مفيش غير دموعي اللي بتهون عليا العذاب